➡️Turkiyadan tashrif buyurgan malakali plastik va umumiy xirurglar bolalarni bepul tibbiy ko‘rikdan o‘tkazib, har bir holatni alohida o‘rganmoqda.

➡️Ko‘rik davomida jarrohlik amaliyotiga muhtoj bolalar saralab olinmoqda. Ularning orasidan murakkab operatsiya talab etiladigan bemorlar ham aniqlanib, oy oxirida jarrohlik amaliyotlarini o‘tkazish rejalashtirilmoqda.

➡️Ota-onalarning minnatdorligi esa alohida. Ular farzandlarining taqdiriga befarq bo‘lmayotgan davlatimiz, Prezidentimiz tomonidan yaratilayotgan imkoniyatlar, shifokorlar va Fondning sa’y-harakatlaridan mamnun ekanini bildirmoqda.

➡️Yangi O‘zbekistondagi eng katta o‘zgarishlardan biri — inson qadri, ayniqsa, bir bolaning taqdiri e’tibordan chetda qolmayotganidir.

➡️Bugun kimdir shifokor xonasidan ko‘zida yosh bilan chiqmoqda. Ammo bu — qayg‘u yoshi emas. Bu “farzandim sog‘ayishi mumkin” degan umidning ko‘z yoshlari…

➡️Zero, bir bolaning sog‘lom kelajagi — bir oilaning baxti, bir onaning duosi, bir otaning eng katta umididir.

➡️“Sog‘lom kelajak” davom etmoqda. Ezgulik esa har bir sog‘aygan bolaning tabassumida yashaydi.