Ramazon oyi arafasida Bolalarni qoʻllab-quvvatlash Jamoat fondi juda koʻplab ehtiyojmand oilalar holidan xabar oldi. Bemor bolajonlar dardiga malham boʻldi.

Kechagina gʻayrat bilan togʻni talqon qilib yurgan Temurbek baxtsiz tasodif tufayli insult olib, bugun toʻshakka mixlanib qolgan.

Onaizor farzandi uchun hamma narsaga tayyor. Biz ham bayram munosabati bilan bu oilaga ham tashrif buyurgan edik. Temurning buvijonisi Fonddan nabirasi uchun koʻp funksiyali tibbiy krovat olib berishlarini iltimos qilgan edi.

Fond hech bir murojaatni e’tiborsiz qoldirmaydi. Maxsus buyurtma asosida Temurbekka qulay va koʻp funksiyali tibbiyot krovati bugun Uchtepa tumanidagi “Shirin” MFY xodimlari ishtirokida topshirildi.

Ushbu reportaj orqali siz bu jarayonlarni yanada yurakdan his etasiz.

Bizni kuzatib boring va siz ham ezgu ishlarga hissa qoʻshing!