➡️9 oyli Umarbekning hayoti qil ustida edi…

➡️Jigar yetishmovchiligidan aziyat chekayotgan bolakayga zudlik bilan jigar transplantatsiyasi zarur edi. Ammo uning yoshligi sababli O‘zbekistonda bu murakkab amaliyotni o‘tkazish imkoni bo‘lmadi.

➡️Oilani oddiy haydovchilik ortidan tebratayotgan otasi Lochinbek aka uchun farzandini xorijda davolatish katta mablag‘ talab qilardi. U esa birgina umid bilan yashardi — farzandining hayotini saqlab qolish!

➡️So‘nggi umidlar bilan Bolalarni qo‘llab-quvvatlash jamoat fondiga qilingan murojaat javobsiz qolmadi.

➡️Fond ko‘magida Umarbek Turkiyaning Antaliya shahridagi nufuzli klinikalardan biriga yuborildi. O‘z buvisi unga jigar donori bo‘ldi. Murakkab operatsiya muvaffaqiyatli o‘tdi.

➡️Bugun Umarbek yana kulmoqda. Yana yashamoqda. Uning oilasiga esa baxt qaytdi!

➡️Ko‘zlarida quvonch yoshlari bilan Fondga minnatdorlik bildirgan Lochinbek akaning so‘zlari har qanday ta’rifdan ta’sirliroq yangradi:

➡️“Farzandimni menga qaytarib berganingiz uchun rahmat! Prezidentimizdan, Fondning barcha jamoasidan bir umr minnatdorman!”

➡️Bir bolaning saqlab qolingan hayoti — bir oilaning qayta tug‘ilgan baxtidir.

➡️Bolalarni qo‘llab-quvvatlash jamoat fondi — bolalar hayoti va kelajagi yo‘lida!