Astra Zeneca — dunyodagi yetakchi biofarmatsevtik kompaniyalardan biri bo‘lib, 1999 yilda Buyuk Britaniyada tashkil etilgan. Kompaniyaning asosiy yo‘nalishlariga orfan kasalliklarini davolash uchun dori preparatlari ishlab chiqarish kiritilgan.  Kompaniya asosan avtoimmun va nevropatik og‘riqqa qarshi dorilar orqali bu sohada katta tajribaga ega bo‘lib bormoqda. Shuningdek, ular tomonidan bemorlarning hayot sifatini yaxshilashga xizmat qiluvchi zamonaviy terapevtik yechimlar ham taklif qilinadi.

Fond rahbariyati Astra Zeneca kompaniyasi vakillari A.Teteryuk, I.Litus bilan O‘zbekistonda orfan kasalliklari bo‘yicha ro‘yxatda turgan bemor bolalarga dori vositalarini o‘z vaqtida yetqazib berish, ularning hayot sifatini ta'minlash bo‘yicha ikki tomonlama hamkorlik aloqalarini o‘rnatish, kasallikni aniqlash boʻyicha shifokorlarni oʻqitish masalalari yuzasidan ham o‘zaro fikr almashdilar.

Kompaniya vakillari ham o‘z navbatida Jamoat fondi bilan hamkorlikda ishlash bo‘yicha takliflarini bildirib, o‘zaro kelishib oldilar.