➡️5 ёшли Раёнахон бундан бир йил аввал Ҳирсчспрунг касаллиги билан Болаларни қўллаб-қувватлаш жамоат фондига мурожаат қилган эди.

➡️Унинг мурожаати Фонд томонидан тезкор ўрганилиб, зарур тиббий ёрдам кўрсатиш мақсадида Истанбул шаҳрига юборилди. Фонд бу эзгу ишда камарбаста бўлиб, даволаниш билан боғлиқ барча зарур харажатларни қоплаб берди.

Орадан бир йил ўтди…

➡️Бугун Андижонда ўтказилган “Соғлом келажак” хайрия аксиясига Раёнахон оиласи билан яна келди. Аммо бу сафар — ёрдам сўраб эмас, миннатдорлик билдириш ва назорат тиббий кўригидан ўтиш учун.

➡️ Шифокорлар Раёнахоннинг ҳолатини кўздан кечириб, унинг соғлом ҳаётга қайтганини ва аҳволи яхши эканини та’кидлашди.

➡️Бу хушхабарни эшитган онанинг қувончи ва ҳаяжонини яшириш қийин эди. У бир йил аввал фарзандининг соғлиғи учун хавотир билан Фондга мурожаат қилган кунларини эслаб, кўзида ёш билан шифокорларга ҳамда Болаларни қўллаб-қувватлаш жамоат фондига самимий миннатдорлик билдирди.

➡️ Бир йил аввал умид билан бошланган ё‘л бугун соғлом боланинг табассуми билан давом этмоқда.

➡️Ҳар бир соғлом бола — бир оиланинг бахти. Ҳар бир қайтган табассум эса амалга оширилаётган эзгу ишларнинг энг катта натижасидир.