23.12.2024
|
23:24
711
2004 йилда Фарғона вилоятининг Бешариқ туманида таваллуд топган Маҳфуза Ғозихонованинг ота-онаси фарзандига қўйилган "Орттирилган апластик камқонликнинг оғир тури" ташҳиси билан даволанишга муҳтож ҳолда Болаларни қўллаб-қувватлаш Жамоат фондига мурожаат қилди. Фонднинг маҳаллий ва хорижлик шифокорлар билан олиб борган маслаҳатлашувларидан сўнг, бемор Туркиянинг "Эмсей" клиникасида даволаниш учун юборилди. Унга илик кўчириб ўтказиш амалиёти муваффаиятли якунланди.
Маҳфузахон болаликдан шифокорликни орзу қилар эди. Шу боис , у Фарғонадаги тиббиёт коллежида таҳсил олди.
Турк шифокорлари унинг бу қизиқишларини инобатга олиб, унга "Эмсей" клиникасининг рамзий белгиси туширилган оқ халат ва стетоскопни совға қилишди.
Маҳфузанинг аҳволи ҳозир анча яхши. Тез орада Ўзбекистонга қайтади. Фонднинг молиявий кўмагида амалга оширилаётган бу каби мураккаб амалиётлар биринчи ва охиргиси эмас.
Бизни кузатиб боринг!!!
