Diyorbekning hozirgi ahvoli ancha yaxshi. Ijobiy tomonga o‘zgarishlar bor. Fond tomonidan ham, qolaversa Turkiyalik shifokorlar ham har bir bemorni juda sinchkovlik bilan nazorat qilib borilmoqda.

Ushbu murakkab operatsiya Fondning moliyaviy ko‘magida amalga oshirilayotgan birinchi va oxirgi amaliyotlar emas. Shu kunga qadar 20 nafar bola xorijning nufuzli klinikalarda davolanib, salomatligini tiklab qaytdi.

Diyorbek va uning ota-onasi bugun Bolalarni qo‘llab-quvvatlash Jamoat fondiga tashrif buyurib, avvalo Prezidentimizga va Fond tomonidan barcha xarajatlar qoplab berilganligi uchun o‘z minnatdorchiliklarini bildirishdi.